Success Lyrics in Hindi From Album Hip Hop Haryana. The Latest Haryanvi Song is Sung by KD. And Music Lyrics is written by KD, And Song Composed by Ghanu Music. Music Label by Desi Rock..
| गीत: | सक्सेस |
| गायक: | केडी |
| गीतकार: | केडी |
| संगीत: | घनू म्यूजिक |
Success Lyrics in Hindi
वो नीले छत्री आला रे
खोलेगा आपे ताला रे
तू करम करे जा शर्म ना कर
ना भीतर राखे काला रे
जागते पे पूछ लियो
पूछ लियो सुते पे
होना सक्सेस खुद के
ही बल बूते पे
कच्चे हैं काटने रे
तलवे नहीं चाटने
फेरियो ना जीब किसे
साले के जूते पे
जागते पे पूछ लियो
पूछ लियो सुते पे
जिन्ने कामयाब होना
वो आराम कोनी करदा
किसे ने ब्लैमे
बदनाम कोनी करदा
मेहनत का टाइम पे तू
पाट जा से तीतर रे
फेर नु कउ के लक
काम कोनी करदा
मान लिया जामेया
तू माडे हालता में
के फायदा जे आच्छे
हालात ना बनावे
मारया गरीबी ने
और बदनसीबी ने
छोड़ दे ये बहाने
रे बात ना बनावे
हौसले जे देखने
तो देख जाके बॉर्डर पे
बैठी से मौत म्हारे
शेरा के शोल्डर पे
हो जा रे पंगा रे
चुम के तिरंगा रे
तन जा जवाना की
छाती या आर्डर पे
फोजियां की टोपा
में गोले भरे
ज्युकर बदला की
छाती में ओले भरे
जे भरना से भीतर
में भरलू जूनून
कोई काम के नहीं
सोला इंच डोले भरे
वो नीले छत्री आला रे
खोलेगा आपे ताला रे
तू करम करे जा शर्म ना कर
ना भीतर राखे काला रे
तने बेरा तो है बेटे रे
तेरे भीतर कितनी हिम्मत है
तैने बेरा तो है बेटे रे
तेरे सपना की कै किंमत है
तने बेरा तो है घोर अँधेरी
रात के बाद सवेरा है
तने बेरा तो हैं बावली बुच
फिर क्या की टेंशन ले रह्या है
तैने बेरा तो है सब बाता का
तेरे माडे से हालाता का
तेरी पूंजी का तेरे खाता का
तेरे सारे चक्कर वाता का
तेरी फील तेरे जज़्बात का
तेरे रिश्ते का तेरे नाता का
तेरे बापू का तेरी माता का
जो सपना आधी राता का
वो मेहनत गेल्या पूरा करना
नक्शा देखे हाथा का
भूल जा हथेलियां की
सारी ये लकीर भाई
आपे है बनानी तने
तेरी तक़दीर भाई
तुक्के नहीं चलाने रे
चलाने तने तीर भाई
काम गेल्या बैरियां के
कालजे ने चीर भाई
वो नीले छत्री आला रे
खोलेगा आपे ताला रे
तू करम करे जा शर्म ना कर
ना भीतर राखे काला रे
ना नोट ते बन्या
ना वोट ते बन्या
मैं जो भी बन्या
थारी ये सपोर्ट ते बन्या
अरे पत्थरां ते दिया
तस्वीर का आकर
भगवान भी तो हथोड़े
आली चोट ते बन्या
मैं जिसने बनाया
उस राम ने प्राउड है
मेरी मेहनत मेरे
काम ने प्राउड है
आइओ जी दरोनगढ़
बोले से दनौदा
म्हारे गाम का है केडी
पूरे गाम ने प्राउड है
गाम का मैं कदे
एहसान कोनी भुल्दा
मिल्या उस माटी ते
ज्ञान कोनी भुल्दा
मंदर और खेड़े मैं
जाऊ हर गेहड़े में
दादा रामेश्वर का
धाम कोनी भूलता
कदे भी इरादे
कमजोर कोनी होण दिए
साइलेंट काम कार्य
शोर कोनी होण दिए
सर पे ये कैप ल्याया
नये नये रैप
मेरे फैन मेरे भाई
मने बोर कोनी होण दिए
आया बाटा की चम्पल ते
गुची के बूटा पे
दब्या की बुरसट ते
अरमानी सूटां पे
मोटर में जा जा के
बेचे थे गीत
इब जहाज़ा में चालू
विदेशां के रुटा पे
यार मेरे भैया ते
एक ऐ अपील
ज़िंदगी ने जीन की है
सिंपल सी डील
थोड़ी धक लियो ओट
थोड़ी मार दियो चोट
आड़े आपे हथोड़ा
और आपे हो किल
लागण दे झाल रे
समंदर नी सुखना
थोबड़े पे आवेगा
ऊँचा नी थूँकना
काढ़ देगा टाइम आपे
हेटरां का वहम
कोनी मारने रे मुस्से
यो ढूंढ कोनी फूंकना
धरती ते होनी से सबकी बिदाई
रे ज़िंदगी में इतनी सी करनी कमाई
रे दुनिया ते जाऊ तो रोवे ये लोग
मेरी फोटूआ ने देख बोले
आजा ना भाई रे
जे हौंसला ते ऊँचा शिखर हुँदा
जे पहाड़ा की ऊंचाई का फिकर हुँदा
फिर कदे इतिहास के पन्या में आवे थे
रे फिर कदे मांजी का ज़िकर हुँदा
रे फिर कदे मांजी का ज़िकर हुँदा.
Click Here to Success Lyrics in English:-
Related Song From Album Hip Hop Haryana:
# Aaho
# Mahakaal
# Dekh Tera Bhai
Video Song of Success:
Summary
Song: Success
Singer: KD
Lyrics: KD
Music: Ghanu Music
Music Label: Desi Rock.